Diorren an treuzdougen boutin digarbonek Ar rouedad treuzdougen Bibus a fell dezhi plediñ gant ar c’hudennoù a sav war dachenn an endro ha war hini ar gevredigezh. An dra-se zo kaoz e voderna e garbedoù, gant skoazell arc'hant Brest meurgêr, evit paouez d’ober gant an diesel. E 2022 e oa bet lañset ar busoù tredan kentañ. Re all a vo prenet tamm-ha-tamm, ac’hann da 2030, abalamour d’en em ober diouzh al lezenn LOM. En tolpad-kêrioù ez eus busoù hag a ya en-dro gant ar bioGNK ivez. Hor c’hevelerien eilkevratourien a ra war o zro. Cheñchet eo bet ar c’harbedoù servij : e 2023 e oa bet prenet 10 karr tredan, re ordin ha re dezougen, ar pezh a aesa monedoneoù ar vleinerien hag an implijidi etre o lec’hioù labour. Kreskiñ ar c’hinnig fiñvusted doujusa Daou servij feurmiñ beloioù tredan a vez kinniget d’an dud a zo o chom e Brest meurgêr : Velocibus, ar servij feurmiñ beloioù war hir amzer. VeloZef, ar servij feurmiñ beloioù pa garer. Un toullad traoù hag a reomp evit an endro Labourat evit tapout an testeniekadur ISO 14001 war grenn dermen, goude bezañ kaset un diagnostik endro da benn. Kreñvaat efedusted energetek ar savadurioù. Oberoù fetis evit digreskiñ ar c’hementadoù dour, gaz ha tredan implijet : adaozañ an dourioù lous, staliañ gouleier dre LED en holl savadurioù melestradurel, en atalieroù hag er c’harrdioù. Goulenn gant pourchaserien eus ar vro dastum al lastez dañjerus ha dizañjerus, abalamour da adimplijout anezho. Kelaouiñ ar veajourien war-eeun diwar-benn an dilaoskadennoù GET p’en em ziblasont gant ar bus pe gant an tramgarr (gant an arload Bibus). Un emglev gant EcoTree : prenañ gwez e Breizh, abalamour da wareziñ ar c’hoadoù. Sachañ evezh ar skipailhoù trezalc’h war ar riskloù saotradur. Kas an disklêriadenn perzhioù e-maez arc’hant d’ar stroll RATP DEV bep bloaz. Doujañ d’ar reolennoù e talvoud, dreist-holl da redioù an SREE. Fichiers Pellgargañ Manifeste RSE RATPDev.pdf
