Kinnigadur Pemp parklec’h beloioù a c’haller kaout war ar rouedad treuzdougen Bibus en arsavlec’hioù tramgarr, gant 40 plas evit pep hini anezho : Dor Plouzane, Kreñvlec'h Montbarey, Plasenn Strasbourg, Dor Gwipavaz, Dor Gouenoù. Un nebeud titouroù a-fet ar mont en-dro : Digor e vezont 7d/7, 24e/24. Evit digeriñ an nor, lakait ho kartenn Korrigo ouzh ar bonn validañ en dorn dehou deoc'h. Lakaet ez eus bet ur stignad videogwarez war-sav er parklec'hioù-se. Ma vez un diaester bennak, implijit ar bouton galv sikour en arsavlec'hioù an Tramgarr Ur parklec'h nevez e-kichen ar gar E kreiz-kêr Brest, e-kichen ar gar SNCF, emañ ar c'hwec'hvet parklec'h beloioù. Savet eo bet abalamour da gaout ur parklec'h war vord linenn B an tramgarr a vo digoret e 2026. Plas zo ennañ evit 100 belo ordin ha 9 belo-samm. Staliet e vo ennañ lugelloù evit adkargañ batirioù ar beloioù-tredan hag ostilhoù dresañ. Ma'z eus ur gartenn KorriGo ganeoc'h e c'hallit mont e-barzh ar parklec'h nevez er memes mod evel er pemp parklec'h all a zo e-kichen arsavlec’hioù tramgarr. Ma n'ho peus kartenn KorriGo ebet e c'hallit prenañ un teul e-barzh Diwio. > Evit digeriñ an nor, skrivañ war ar bizikod ar c'hod ho peus resevet dre SMS hag e-barzh ho kont Diwio. Implijout ar parklec’hioù beloioù Implij digoust An dud a zo ur gartenn KorriGo ganto, gant ur c’houmanant bloaziek pe miziek, forzh pe oad e vefent : Fréquence, Tempo (miziek hepken), Tango, Rytmo, Uzuël+ (rouedad BreizhGo). Pour ouvrir la porte, il suffit de présenter une carte KorriGo sur la borne de validation à l'entrée. Ar goumananterien Vélocibus : Evit digeriñ an nor n’ho peus nemet lakaat ur gartenn KorriGo war ar bonn validañ en antre. Evit en ober n’o deus nemet lavaret d’ar c’huzulier Vélocibus e fell dezho implijout ar parklec’hioù beloioù ha roet e vo ur gartenn KorriGo digoust dezho gantañ. Implij da baeañ An dud n’int ket koumanantet da Vélocibus na d’an treuzdougen boutin Bibus a c’hell prenañ un teul parklec’hioù beloioù. Ar parklec’hioù beloioù a c’heller implijout ivez gant ma vo paeet un teul difer "an teul parklec’h beloioù" hag a goust : 1,50 euro an devezh, 9 euro ar miz, 15 euro an trimiziad 30 euro ar bloaz. -> Evit an dud n’eus kartenn KorriGo ebet ganto. Evit kemer tro eus an doare nevez-se e ranker : mont d’ar stal Bibus evit kaout ar gartenn mont KorriGo, pe goulenn unan war-eeun enlinenn e-barzh an e-stal : goude bezañ krouet ar gont eo dav klikañ war « Urzhiañ ur gartenn KorriGo » (a vez kaset da di an dud a-benn 7 devezh d’ar muiañ). -> Evit an dud a zo ur gartenn KorriGo ganto. Emañ an teul implijer parklec’h beloioù e gwerzh : e-barzh an e-stal, en ingalerien teulioù emgefre a zo en arsavlec’hioù, er stal Bibus, en holl erlec’hioù B gant Bibus.
